Rusiya aktivlərinə sərmayə yatıranlar yenidən narahatdırlar. Onlar son vaxta qədər Ukraynada hərbi eskalasiya ssenarisinin qarşısını almağın mümkün olduğuna inanırdılar.
FED.az xəbər verir ki, bazar ertəsi səhər birja, Rusiya prezident Vladimir Putin və ABŞ prezidenti Co Bayden arasında mümkün görüş xəbəri ilə yenidən canlanıb, lakin günortadan sonra Donbassda böhran başlayandan bəri rekord səviyyəyə çatan satış dalğasındadır.
Kreml prezidentlər arasında danışıqları təsdiq etmədikdən və Rusiya Təhlükəizlik Xidmətinin Ukrayna təhlükəsizlik qüvvələrinin artıq Rusiya Federasiyası ərazisini atəşə tutduğunu elan etdikdən sonra RTS indeksi 9,94% geriləyərək, 2020-ci ilin mart ayından bəri rekord aşağı səviyyəyə düşüb.
Rusiyanın 43 ən böyük şirkətinin bazar dəyərini izləyən Moskva Birjası indeksinin kapitallaşması bir neçə saat ərzində 1,05 trilyon rubl dəyər itirib.
Sberbank-ın səhmlərinin düşməsi 10%-i, VTB-nin 8%-i keçib. Hər iki dövlət bankı ABŞ-ın sanksiyalarının potensial obyektlərinin “qara siyahısı”ndadır, bu siyahıya dollarla hesablaşmalara qadağa da daxildir.
“Rosneft”in səhmləri, Asiya və Avropadakı treyderlərin sanksiyalara məruz qalacağından ehtiyat edərək Rusiyadan xammal alışını təxirə salmağa başladıqlarına dair bağlı xəbərlər fonunda 10,5% dəyər itirib.
Dollar 1,27 rubl bahalaşaraq 78,5750 rubla çatıb - bu, yanvarın 27-dən bəri yeni maksimumdur. Avro bir ayda ilk dəfə 89 rubldan (89,1025) yuxarı qalxıb.
"Qeyri-rezidentlər Rusiya qiymətli kağızlarından xilas olurlar - bunu Avropa birjalarının açılmasından sonra bazarı "partlayış dalğası" bürüməsi sübut edir", - "Otkritie Investments"in qlobal tədqiqat departamentinin aparıcı analitiki Oleq Syrovatkin qeyd edir.
Kreml, gündə iki dəfə Kremlə zəng edən Fransa prezidenti Emmanuel Makron tərəfindən bir gün əvvəl elan edilən Putin-Bayden danışıqları üçün “hələ konkret planların olmadığını” bildirib.
“Ukrayna böhranını” müzakirə etmək üçün Putinə də zəng vurması planlaşdırılan Almaniya kansleri Olaf Şolz bazar ertəsi Makrondan vəzifə almağa çalışacaq.
Qərb məlumatlarına görə, Rusiya artıq 190 min əsgərini Ukrayna ilə sərhəd yaxınlığında cəmləyib və fevralın 20-də Belarusdan 30 min hərbçini çıxarmaq planları təxirə salınıb.
Bu arada FSB bildirib ki, Ukraynadan atılan mərmi Rostov vilayətində, sərhəddən 150 metr aralıda Rusiya sərhəd-keçid məntəqəsini tamamilə məhv edib. (Marja)
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
