Rusiya müsəlmanlarına bəzi məhdudiyyətlərlə kriptovalyutadan istifadə etməyə icazə verilib.
Bu həftə səhmləri ən çox bahalışıb-ucuzlaşan – 100 ŞİRKƏT, SİYAHI (18-22 dekabr, 2023)
FED.az biznes və maliyyə xəbərləri portalı Banker.az-a istinadən xəbər verir ki, bunu Rusiya Federasiyası Müsəlmanları Ruhani İdarəsinin sədr müavini, Moskva müftisi İldar Alautdinov deyib.
Məlumata görə, 2023-cü ilin yekun iclasında Rusiya, Almaniya, Türkiyə və bir sıra ərəb ölkələrindən ilahiyyatçılar, islam hüququ üzrə ekspertlər və alimlər şəriət baxımından bankçılıq, ailə hüququ, blokçeyn və kriptovalyutalardan istifadəni nəzərdən keçiriblər.
“Üləmalar Şurası insanların həyat keyfiyyətinin yaxşılaşmasına səbəb olan internet texnologiyalarının inkişafına dəstək verirlər. İclasda qəbul edilən fətvada bir sıra tələblərə uyğun olaraq kriptovalyuta ilə ticarətin və investisiyanın icazəli olması müzakirə edilib. Məsələn, bir kriptovalyutanın əmtəə, valyuta və ya maliyyə aktivi kimi təsnif edilə biləcəyi zaman ona yatırım mümkündür. Əgər fətvada verilən tələblərdən ən azı biri yerinə yetirilmirsə, o zaman şura kriptovalyuta ilə hər hansı əməliyyatdan çəkinməyi tövsiyə edir”, – İ.Alautdinov izah edib.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
