25 yanvar 2024-cü il tarixində Bakı Fond Birjasında BOKT "Viator Mikro Kredit Azərbaycan" MMC-nin tədavül müddəti 540 gün, nominal dəyəri 1000 manat olan AZ2006021532 dövlət qeydiyyat nömrəli, 500 min manat həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.
FED.az Birjanın yaydığı məlumata istinadən xəbər verir ki, hərrac zamanı 9 investor tərəfindən 1000 manat qiyməti ilə 9 sifariş təqdim edilib.
Sifarişlərin nominal qiymətlə ümumi məbləği 500 min manat, yerləşdirilmiş həcmi də 500 min manat təşkil edib.
İstiqrazın illik faiz dərəcəsi 14%, faiz ödəniş dövrü isə 90 gün təşkil edir. İstiqrazların ödəmə tarixi 18.07.2025-ci ildir.
Yerləşdirmə üzrə anderrayter “CPM Invest Investisiya Şirkəti” ASC-dir.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
