Xəbər verdiyimiz kimi, "Optimal Elektronika" MMC 5 milyon manatlıq istiqraz buraxır. Emissiya hər birinin nominal dəyəri 1000 manat olan 5000 ədəd istiqrazdan ibarətdir.
Eləcə də bax: "Optimal Elektronika" 2,5 milyon manat borc alır- İSTİQRAZ BURAXIR, ŞƏRTLƏR
İstiqrazlar hər biri 2,5 milyon manatlıq olmaqla iki tranşda yerləşdiriləcək. İlk tranşın yerləşdirilməsi üzrə hərrac 23 noyabr 2021-ci il tarixində Bakı Fond Birjasında keçiriləcəkdir.
İstiqrazlar üzrə illik faiz dərəcəsi 12%, tədavül müddəti 18 aydır. Kupon faizlərihər 6 aydan bir ödəniləcəkdir. İstiqrazlar həm fizziki, həm də hüquqi şəxslər tərəfindən əldə edilə bilər.
FED.az xəbər verir ki, "Optimal Elektronika" istiqraz emissiyası yolu ilə investorlardan 5 milyon manat cəlb etməsinin səbəbini açıqlayıb. Belə ki, istiqraz təklifinin səbəbi şirkətin əsas fəaliyyəti hesab olunan elektronika mallarının topdan, korporativ və pərakəndə satışının genişləndirilməsidir.
Bildirilib ki, "Optimal Elektronika" MMC elektronika məhsullarının nisyə (hissə-hissə ödəniş) və nağd satışı bazarında lider mövqelərdən birini tutur. Şirkət fəaliyyətə başladığı 2013-cü ildən bəri 350 milyon manatdan çox nisyə satış həyata keçirmişdir, bu məbləğin cəmi 1,5%-i gecikmiş kredit statusu almışdır.
2020-ci ilin sonuna olan məlumata görə, "Optimal Elektronika" MMC-nin nisyə portfeli 38 milyon 844 min manat təşkil edib. Portfelin 10,42%-nin və ya 4 milyon 48 min manatının ödəmə vaxtı keçib (ödənilməsi 30 gündən çox gecikib).
2 milyon 885 min manat xüsusi kapitala malik olan "Optimal Elektronika" MMC 34 milyon 804 min manat bank öhdəliklərinə də (kredit borcu) malik olub. (Marja)
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
