8 iyun 2022-ci il tarixində Bakı Fond Birjasında "FİNCA AZƏRBAYCAN" QBKT MMM-nin tədavül müddəti 2 təqvim ili olan AZ2004019207 dövlət qeydiyyat nömrəli, 3 milyon manat həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.

FED.az xəbər verir ki, birjanın yaydığı məlumata görə, hərrac zamanı 6 investor tərəfindən 100 AZN (12.5%) qiymətindən 6 sifariş təqdim edilib. 

Sifarişlərin nominal qiymətlə ümumi məbləği 3 milyon manat, istiqrazların nominal qiymətlə yerləşdirilmiş həcmi də 3 milyon manat təşkil edib.

İstiqrazın illik faiz dərəcəsi 12.5%, faiz ödənişləri 3 təqvim ayından bir olmaqla investorlara ödənilir.

İstiqrazların ödəmə tarixi 28 iyun 2024-cü ildir.

Yerləşdirmə üzrə anderrayter "AzFinance İnvestisiya Şirkəti” QSC-dir.

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.