Məşhur investor və iş adamı Uorren Baffetin «Berkshire Hathaway» şirkəti bazar kapitalizasiyasına görə, «Tesla» şirkətini geridə qoyaraq ABŞ-ın 5-ci ən bahalı şirkəti olub.
FED.az xəbər verir ki, 2022-ci il ərzində «Tesla» səhmləri 45,69% ucuzlaşdığı halda, «Berkshire Hathaway»ın kağızları cəmi 2,13% dəyər itirib. «Tesla»nın sahibi İlon Maskın «Twitter»i alması və investorların texno şirkətlərdən çıxıb getməsi fonunda «Tesla»nın səhmləri dəyər itirməyə başlayıb.
- Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
Xatırladaq ki, hazırda «Tesla»nın bir səhminin qiyməti 191 dollar, «Berkshire Hathaway»ın bir səhminin qiyməti isə 457 665 dollar təşkil edir (bu gün Bakı vaxtilə 9.12-yə olan qiymət)
Nəticədə İlon Maska məxsus «Tesla»nın bazar dəyəri Uorren Baffetin «Berkshire Hathaway» holdinqinin bazar dəyərindən aşağı düşüb.
Teslanın bazar kapitallaşması təxminən 608,5 milyard dollar təşkil edib ki, bu da Berkshire Hathaway holdinqinin kapitallaşmasından - 643,5 milyard dollardan azdır.
Tesla səhmlərinin azalmasına şirkətin rəhbərinin «Twitter» sosial şəbəkəsini satın alması olub, hələ oktyabrın 4-də İlon Maskın sövdələşməyə qayıtdığı məlum olduqdan sonra Tesla səhmləri 21% ucuzlaşıb. İnvestorlar qorxurlar ki, Twitter-in ələ keçirilməsi bahalı əyləncə ola bilər, Bussines Insider qeyd edir.
Bussines Insider-ə görə, Tesla səhmlərinə əlavə təzyiq yüksək inflyasiya və FED-in pul siyasətinin sərtləşdirilməsi fonunda investorların texnologiya səhmlərindən daha qoruyucu aktivlərə qaçması ilə baş verir.
Bundan əlavə, texnoloji şirkətlərin yüksək qiymətləri, eləcə də sabit pul vəsaitlərinin hərəkətinin olmaması və onların daha yüksək dərəcədə spekulyasiyası onları çox vaxt iqtisadi tənəzzüllərə qarşı daha həssas edir.
Berkshire Hathaway-in kapitallaşması Tesla-nın 2019-cu ildən indiyədək olan kapitallaşması ilə müqayisədə
“Berkshire Hathaway”ın səhmləri isə investorlar üçün daha etibarlı sayılır. Çünki holdinqin səhmləri uzun illər sabit və etibarlı aktiv hesab olunur. Mənbənin qeyd etdiyi kimi, faiz dərəcələrinin artması həm də Buffetin holdinqinin xeyrinə oynayıb ki, bu da portfeldə böyük miqdarda nağd pulun olması, eləcə də şirkətin daxili bazara diqqət yetirməsində özünü göstərir.
