ABŞ Prezidenti Donald Tramp, ABŞ-ın Dünya ölkələrinə 10%-50% civarında gömrük vergiləri (tariflər, və ya rüsumlar) tətbiq etdiyini açıqladıqdan sonra bir unsiya qızılın qiyməti 3167 dollar səviyyəsinə yüksələrək rekord yeniləyib. İlin əvvəlindən qızıl 20 faiz bahalaşıb.
Assosiasiya sədri: "Qızılın nə qədər bahalaşacağını demək mümkün deyil" - MÜSAHİBƏ
FED.az xəbər verir ki, ABŞ prezidenti Donald Tramp demək olar ki, bütün idxal məhsullarına 10 faiz əlavə gömrük rüsumunun tətbiq olunduğunu açıqlayıb, eyni zamanda bir çox rəqib və müttəfiq ölkələrə əlavə gömrük rüsumları tətbiq olunur.
Avropa İttifaqı (Aİ) və Çin artan gömrük rüsumlarına cavab verəcəklərini bəyan ediblər.
Artan gömrük rüsumları səbəbiylə inflyasiyanın sürətlə artacağı və iqtisadi inkişafın yavaşlayacağı düşünülür. Ölkələrin ABŞ-yə verəcəyi cavablar ilə əlaqədar olaraq ticarət müharibəsinin qızışacağına dair narahatlıqlar var.
Ağ Evdən verilən açıqlamaya görə, artıq Çinə 20 faiz gömrük rüsumu tətbiq edən ABŞ bunun üzərinə əlavə 34 faiz gömrük rüsumu tətbiq edəcək.
Avropa İttifaqına 20 faiz, Yaponiyaya isə 24 faiz əlavə gömrük rüsumları tətbiq olunacaq.
Deutsche Bank-ın analitiki Michael Hsueh, "Qızılın bahalaşmasına səbəb olan tələb amillərinin davam edəcəyi ehtimalı var. Həminin, Mərkəzi bankların alışları, geosiyasi gərginlik və iqtisadi narahatlıqlar davam edəcək", - deyib. (Marja)
