Mayın 14-də dünya bazarlarında qızılın qiymətində enmə müşahidə olunub.
Rəqəmsal qızılın gücü artmaqdadır - QİYMƏT 104 MİNƏ YAXINLAŞDI
FED.az xəbər verir ki, bir unsiya qızılın dəyəri 3.258.44 dollardan 3.235.89 dollara enərək, cəmi bir gündə 8.31 dollar və ya 0.26% azalıb.
Gümüş bazarında da oxşar vəziyyət müşahidə olunub. Gümüşün bir unsiyası 32.72 dollara düşüb ki, bu da 0.21 dollar və ya 0.65% enmə deməkdir.
Lakin qısa müddətli enməyə baxmayaraq, qızılın uzunmüddətli performansı hələ də güclü görünür. Son 30 gündə qiymətlər 21.93 dollar və ya 0.68% artıb. Daha geniş miqyasda baxdıqda, 6 ay ərzində qızılın dəyəri 679.95 dollar və ya 26.52%, son 1 ildə isə 852.47 dollar və ya 35.64% artıb. Bu, qızılın orta və uzunmüddətli dövrdə etibarlı investisiya aləti kimi mövqeyini qoruduğunu göstərir.
Ən təsirli rəqəm isə 20 illik artım göstəricisidir: qızıl 2.824.33 dollar və ya 672.67% bahalaşıb. Bu, onu göstərir ki, uzunmüddətli qızıl investorları üçün bu metal hələ də çox qazandıran seçimdir.
Qısası, bir günlük düşüşlə panikaya düşmək üçün əsas yoxdur. Qısa müddətli enişlər uzunmüddətli artım fonunda əhəmiyyətini itirir.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
