Mayın 9-da qızılın 1 unsiyasının qiyməti 3,327.38 ABŞ dollarına çatıb.
Kripto kralı öz taxtına qayıtdı - BİTCOİN 100 MİN SƏDDİNİ SINDIRDI!
FED.az xəbər verir ki, bu son 24 saat ərzində 23.38 dollarlıq, yəni 0.71 faizlik artımı əks etdirir. Bu yüksəliş, qızılın qlobal iqtisadi qeyri-müəyyənlik şəraitində yenidən diqqət mərkəzinə düşdüyünü göstərir.
Son bir ay ərzində isə qızılın qiyməti 142.46 dollar artaraq 4.51 faiz yüksəlib. Yarımillik müddətdə bu artım 692.76 dollara, faiz baxımından isə 26.53 faizə çatıb. Daha geniş zaman kəsiyinə baxdıqda, qızılın bir il ərzində 942.40 dollar, yəni 39.91 faiz bahalaşdığı görünür. Beş illik dövrü təhlil etdikdə isə qiymətdəki artım 1,607.76 dollar, faiz olaraq isə 94.78 faiz səviyyəsindədir. Ən təsirli göstəricilərdən biri isə son 20 ildə qeydə alınan artımdır: qızıl bu müddətdə 2,877.08 dollar, yəni 673.91 faiz bahalaşıb. Bu statistika qızılın zamanla dəyərini itirməyən və uzunmüddətli sərmayə üçün ideal seçim olduğunu təsdiqləyir.
Qızılın bu yüksəlişi fonunda gümüş də diqqətdən kənarda qalmayıb. Hazırda 1 unsiya gümüş 32.52 dollar səviyyəsində ticarət olunur və bu da 0.06 dollarlıq artım deməkdir.
Bütün bu göstəricilər sübut edir ki, qızıl yenidən investorların diqqət mərkəzindədir. Qlobal iqtisadi risklərin, inflyasiyanın və geosiyasi gərginliklərin artdığı dövrdə qızıl bir daha “təhlükəsiz liman” kimi seçilir. Əgər bu trend davam edərsə, yaxın zamanlarda qızılın 3,400 – 3,500 dollar aralığına yüksəlməsi real görünür.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
