Beynəlxalq bazarlarda qızılın qiyməti hazırda 3 868,01 dollar səviyyəsinə çatıb.
Bitcoin 118 min dolları aşdı - SON QİYMƏT
FED.az xəbər verir ki, son 1 gün ərzində qiymətdə 2,78 dollar və ya 0,07% azalma müşahidə edilib. Bununla belə, uzunmüddətli dövrlərə baxdıqda qızılın dəyərində mühüm artımlar özünü göstərir. Son 30 gündə qiymət 298,91 dollar (+8,37%) yüksəlib. Altı aylıq müddət ərzində bahalaşma 767,76 dollar və ya 24,74% təşkil edib.
İllik göstəricilər isə daha güclüdür, belə ki, qızıl son 12 ayda 1 215,05 dollar (+45,75%) bahalaşıb. Son 5 ildə artım 1 958,18 dollar (+102,38%), son 20 ildə isə 3 404,31 dollar (+729,80%) təşkil edib. Bu rəqəmlər qızılın uzunmüddətli dövrdə ən etibarlı investisiya alətlərindən biri olduğunu bir daha sübut edir.
Analitiklərin rəyinə görə, yaxın aylarda qızıl qiymətləri geosiyasi risklər və inflyasiya təzyiqləri fonunda sabit qalmaqla yanaşı, müəyyən artım potensialını da qoruyub saxlaya bilər.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
