Birja

Neft ucuzlaşmasa Azərbaycanda dolların məzənnəsi - 4 İL BELƏ QALACAQ

Neft ucuzlaşmasa Azərbaycanda dolların məzənnəsi - 4 İL BELƏ QALACAQ | FED.az
11:42 27 Yan 2020

S&P Global Ratings beynəlxalq reytinq agentliyi ortamüddətli dövrdə Azərbaycanın milli valyutasının ABŞ dolları nisbətində məzənnəsinin 1,7 AZN/$1 səviyyəsində qalacağını proqnozlaşdırır, lakin neftin qiymətinin ucuzlaşacağı halda məzənnənin dəyişəcəyini mümkün hesab edir.

Eləcə də bax: "S&P" Azərbaycanın reytinqini - "BB+/B" SƏVİYYƏSİNDƏ TƏSDİQLƏYİB

FED.az məlumat verir ki, “2017-ci ilin aprel ayından etibarən mübadilə məzənnəsi ABŞ dolları üçün 1,7 manat səviyyəsində stabilləşib, bu vəziyyət hökumət tərəfindən valyuta bazarında mütəmadi müdaxilə ilə dəstəklənir. Fikrimizcə, neftin qiyməti az əlverişli olacağı təqdirdə, rəsmi orqanlar 2015-ci ildə müşahidə olunduğu kimi mühüm həcmdə valyuta ehtiyatlarının itkisinə yol verməmək üçün mübadilə məzənnəsini korreksiya edə biləcəklər”, - S&P-nin analitikləri belə hesab edirlər.

Agentliyin proqnozlarına əsasən, 2020-2023-cü illərdə manatın dollara nisbətən orta məzənnəsi 1,7 AZN/$1 təşkil edəcək.

Azərbaycan hökuməti 2020-ci il üçün əsas vəzifələrdən birinin ölkədə makroiqtisadi sabitliyin təminatı, həmçinin ABŞ dolarına nisbətən stabil məzənnənin dəstəklənməsi olduğunu hesab edirlər. Cari il üçün məzənnə proqnozu 1,7 AZN/$1 təşkil edir.

İnterfaks

Digər xəbərlər