Beynəlxalq fond bazarlarında son ticarət sessiyası kəskin dalğalanmalarla yadda qalıb. ABŞ-ın aparıcı texnologiya şirkətlərinin səhmləri mənfi zonaya düşüb, bəzi səhmlərdə isə çox ciddi enişlər qeydə alınıb.

Qızıl yenidən 4 min dolları keçdi - QİYMƏT BAHALAŞDI

FED.az xəbər verir ki, ən böyük itki sosial media nəhəngi "Meta Platforms"un payına düşüb. Belə ki, şirkətin səhmləri gün ərzində 11,3% ucuzlaşaraq 666,47 dollara geriləyib. Bu, son aylarda Meta üçün ən kəskin enişlərdən biri hesab olunur. 

Texnologiya nəhənglərindən "Microsoft"un səhmləri 2,9% ucuzlaşıb, "Tesla" səhmləri isə 4,6% dəyər itirib. "NVIDIA" səhmləri də 2% azalıb. 

Maraqlıdır ki, texnologiya bazarındakı bu zəifliyə baxmayaraq, "Alphabet" (Google) səhmləri günü 2,45% artımla başa vurub. "Apple" səhmlərində 0,63%, "Visa" səhmlərində isə 1,1% bahalaşma qeydə alınıb.

Səhiyyə şirkəti "Johnson & Johnson" da investorların diqqətini cəlb edib, səhmləri 1,31% bahalaşıb. 

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.