Qlobal fond bazarlarında son günlər nisbətən sakit, lakin ziddiyyətli bir atmosfer hökm sürür. İnvestorlar bazarlarda yön tapmağa çalışarkən, ən çox ticarət edilən 10 şirkətin səhmlərində diqqətçəkən fərqliliklər müşahidə olunub.

Rəqəmsal qızılda yüngül dalğalanma - QİYMƏT UCUZLAŞDI!

FED.az xəbər verir ki, ABŞ-ın nəhəng texnologiya şirkətləri son bağlanışda bir qədər qarışıq nəticələr göstərib.

Günün ən çox bahalaşan səhmi Meta Platforms şirkətinə məxsus olub. Səhmin qiyməti 0,20% bahalaşaraq 643,58 dollarla günü bağladı. 

Digər yandan Apple səhmləri 0,10% artaraq 200,42 dollara yüksəldi, bu isə şirkətin son zamanlardakı sabitliyini qorumağa çalışdığını göstərir. Visa da yüngül bir artımla (0,12%) investorlarının gözləntilərini doğrultmağa çalışdı.

Ancaq ümumi mənzərə təkcə yüksəlişlərlə məhdudlaşmır. Tesla 1,65%-lik enişlə ən çox dəyər itirən səhmlər sırasında yer aldı, bu isə elektrik avtomobil sektorundakı qeyri-müəyyənlikləri və tələb proqnozlarındakı dəyişiklikləri əks etdirə bilər. Eyni şəkildə, Berkshire Hathaway 1,19%, Microsoft 0,72% və NVIDIA 0,51% ucuzlaşdı. 

Alphabet (Google) və Johnson & Johnson da mənfi tərəfdə qərarlaşaraq müvafiq olaraq 0,34% və 0,54% dəyər itirib. 

Bu da onu göstərir ki, bazarda qısa müddətli optimizm olsa da, dərinləşən qeyri-müəyyənlik fonunda uzunmüddətli istiqamət hələ tam müəyyənləşməyib.

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.