«Lənkəran-Sərnişin» ASC 2022-ci ilin yekunları üzrə hesabatını açıqlayıb.
FED.az sənədə istinadən xəbər verir ki, ötən il şirkətin gəlirləri 52% və ya 166 min manat artaraq 481 min manat olub, eyni zamanda şirkətin xərcləri də 40%-dən çox artaraq 356 min manatdan 502 min manata yüksəlib.
Nəticədə «Lənkəran-Sərnişin» ASC 2022-ci ili 21 min manat zərərlə tamamlayıb.
ASC bundan əvvəlki ili də zərərlə başa vurmuşdu – 41 min manat.
2022-ci ildə «Lənkəran-Sərnişin» ASC cüzi böyüyüb – onun aktivləri 470 min manatdan 504 min manata yüksəlib.
Şirkətin kapitalı dəyişməyib – 288 min manat, əvəzində öhdəlikləri bir qədər artaraq 181 min manatdan 210 min manata yüksəlib.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
