Kriptovalyuta bazarında ötən günlərlə müqayisədə eniş müşahidə olunub.

"Embafinans"ın istiqrazlarına maraq olmadığına görə -DELİSTİNQ EDİLDİ

FED.az xəbər verir ki, Bitcoin-in qiyməti bu gün 115 625 dollar səviyyəsinə düşüb. Bu isə son 24 saat ərzində təxminən 2,3% azalma deməkdir. Halbuki bir neçə gün öncə bu rəqəm 120 000 dolları keçmişdi. Hazırda 1 saatlıq dəyişiklik cüzi artımla +0,14%, 7 günlük dəyişiklik isə -0,09% civarındadır.

Bazar dəyərinə baxdıqda Bitcoin-in ümumi kapitalizasiyası 2,3 trilyon dollar olaraq qalır. Günlük ticarət həcmi isə 76,5 milyard dolları ötüb. Hazırda dövriyyədə olan Bitcoin-lərin sayı 19,9 milyon BTC təşkil edir. Bu isə maksimum 21 milyonluq təklifə çox yaxın bir göstəricidir.

İlin əvvəlindən indiyədək Bitcoin 23,8% artım nümayiş etdirib. Bu artım onu hələ də bir çox investor üçün cazibədar alternativə çevirir, baxmayaraq ki, qiymətində mütəmadi dalğalanmalar müşahidə olunur.

Analitiklərə görə kripto bazarında psixoloji 120 min dollar həddi qırılmadan əvvəl qiymətin bu səviyyədə “dərindən nəfəs alması” gözlənilən hal kimi dəyərləndirilir. 

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.