Fond bazarlarında səhmlərin qiymətindəki gündəlik dəyişikliklər həm investorların psixologiyasını, həm də iqtisadi trendləri əks etdirir. Hər gün səhmlərin qiymətindəki artım və ya azalmalar baş verir.

Kriptovalyuta investorlarına şad xəbər - BİTCOİN 103 MİN DOLLARI KEÇDİ!

FED.az xəbər verir ki, sonuncu ticarət sessiyasına baxdıqda, ən çox bahalaşan səhmin Johnson & Johnson şirkətinə aid olduğu görünür. Şirkətin səhmi 2,20% artaraq 149,61 ABŞ dollarından bağlanıb. Bu artım səhiyyə sektorunda güclü mövqeyin və investorların bu sahəyə olan marağının göstəricisidir. Onu Visa şirkəti izləyir, səhminin qiyməti 1,64% artaraq 362,30 dollara çatıb. Ümumilikdə, bu iki şirkətin səhmlərindəki yüksəliş bazarın bəzi sektorlarında müsbət dinamikanın olduğunu göstərir.

Ən çox ucuzlaşan səhmlər sırasında isə Amazon.com (-2,49%) və Meta Platforms (-2,40%) ilk yerləri tutur. Amazonun səhmi 205,17 dollara, Meta Platforms isə 643,88 dollara geriləyib. Bu, texnologiya sektorunda bəzi çətinliklərin yaşandığını və investorların ehtiyatlı mövqe tutduğunu göstərir. Digər texnologiya nəhəngləri olan Apple, Alphabet (Google) və Tesla da müvafiq olaraq səhmlərində -0,45%, -0,83% və -1,40% azalma yaşayıb.

Digər tərəfdən, Berkshire Hathaway və Microsoft kimi şirkətlərin səhmləri isə stabil qalıb və ya kiçik dəyişikliklər göstərib. Berkshire Hathaway səhmi +0,77% artaraq 507,33 dollara yüksəlib, Microsoft isə demək olar ki, dəyişməyərək çox cuzi azalma ilə 453,13 dollarda qalıb (-0,02%).

Daha detallı aşağıdakı cədvəldə:

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.