İpoteka və Kredit Zəmanəti Fondu 2023-cü ildə ikinci dəfə istiqraz buraxır.
FED.az bu barədə Fondun emissiya prospektinə istinad edir.
Bildirilir ki, nominal dəyəri 1 000 manat olan 50 000 ədəd ipoteka istiqrazları buraxılacaq.
Bu istiqrazların cəmi nominal dəyəri isə 50 mln. manatdır.
Bildirək ki, 2023-cü ilin aprelində ümumilikdə 100 mln. manatlıq istiqraz buraxmışdı və ilin ilk 5 ayında dövlətdən fonda isə 43.8 mln. manatlıq vəsait ayrılıb.
2022-ci ilin ilk 5 ayında 70 mln. manat nominal dəyərində olan istiqrazlar buraxmışdı.
Yeni emissiya ediləcək ipoteka istiqrazlarının illik 3% təşkil edir.
İstiqrazlar 8 280 gün (276 ay) müddətinə buraxılır.
Fondun hazırda buraxdığı istiqrazların ümumi həcmi 1 mlrd. 502 mln. manata çatıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
