30 iyun 2022-ci il tarixində Bakı Fond Birjasında İpoteka və Kredit Zamanət Fondu ASC–nin AZ2061008689 ISIN-li, 25 milyon manat həcmində, 7200 gün tədavül müddətli ipoteka  istiqrazlarının yerləşdirilməsi üzrə hərrac yekunlaşıb.

FED.az xəbər verir ki, birjanın yaydığı məlumata görə, hərrac zamanı 1 investor tərəfindən 1 sifariş təqdim edilmişdir. Hərrac qiyməti 1,000 manat olan sifarişlərin nominal qiymətlə ümumi məbləği 25 milyon manat olub.

İstiqrazların nominal qiymətlə yerləşdirilmiş həcmi 25 milyon manat təşkil edib.

İstiqrazların  ödəmə tarixi 17 mart 2042-ci ildir.

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.