Dünya birjalarında dalğalı günlər davam edir. Səhm bazarlarında yaşanan gərgin günlərdən sonra bu dəfə bütün mənzərə qaranlıq deyil – bir neçə texnologiya nəhəngi vəziyyəti xeyrinə dəyişməyi bacarıb. Bəzi şirkətlər bahalaşma ilə diqqət çəksə də, bazarın ümumi vəziyyəti hələ də tam müsbət deyil.

Qızılın qiyməti 3000 dollardan aşağı düşüb

FED.az xəbər verir ki, ən çox bahalaşan səhm bu dəfə NVIDIA-ya məxsus olub. Şirkətin səhmləri bir gün ərzində 3,53% dəyər qazanaraq bağlanış qiymətini 97,64 dollara yüksəldib. Bu artım NVIDIA-nın bazarda yenidən gücləndiyini göstərən əlamət kimi dəyərləndirilir. Onun ardınca Amazon.com və Meta Platforms gəlir – Amazon-un səhmləri 2,49%, Meta-nın isə 2,28% bahalaşıb.

Digər tərəfdə isə ən çox dəyər itirən şirkət Apple olub. Texnologiya nəhəngi olan Apple-ın səhmləri 3,67% ucuzlaşaraq 181,46 dollara geriləyib. Tesla da 2,56% azalma ilə sıralamada ikinci ən böyük itkiyə uğrayan şirkət olub.

Ümumi mənzərə isə belədir: 10 şirkətdən yalnız 4-ü günü artımla başa vurub, digərləri isə müxtəlif faizlərlə dəyər itirib. Bu isə bazarda sabitliyin hələ də tam bərpa olunmadığını və investorların diqqətli davranmağa davam etdiyini göstərir.

Analitiklər bu cür dalğalanmaları geosiyasi gərginliklər, maliyyə hesabat dövrü və faiz dərəcələri ilə bağlı gözləntilərlə əlaqələndirirlər. Yaxın günlərdə gələcək iqtisadi göstəricilər və mərkəzi bankların qərarları bazarın istiqamətini daha da dəqiqləşdirə bilər.

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.