14 aprel 2022-ci il tarixində Bakı Fond Birjasında “BOKT “İnternational” QSC-nin kapital bazarlarında istiqraz buraxılışını qeyd etmək məqsədi ilə “Açılış Zəngi” mərasimi keçirilib.
FED.az xəbər verir ki, birjanın yaydığı məlumata görə, 2 milyon manat həcmində olan yerləşdirmənin anderrayteri BFB-nin üzvü olan “AzFinance İnvestisiya Şirkəti” QSC-dir.
Bakı Fond Birjasının sədri vəzifəsini müvəqqəti icra edən Eldar Abdullayev “Açılış Zəngi” Mərasimini açıq elan BOKT “İnternational” QSC-nin birja vasitəsilə həyata keçirtdiyi istiqraz buraxılışının Azərbaycanda maliyyə sektorunun inkişafı istiqamətində aparılan tədbirlərin uğurlu nəticəsi olduğunu, maliyyə sektorunun inkişafına töhfə verməklə yanaşı vətəndaşlar üçün yeni investisiya imkanlarının formalaşmasında xüsusi rol oynayacağını bildirib.
