«Santa Floki» tokeni İlon Maskın tvitindən sonra 4000% bahalaşıb.
FED.az xəbər verir ki, «Tesla» və «SpaceX» in sahibi Twitter-də özünün Floki adlanan və siba-inu cinsindən olan itinin şəklini paylaşandan sonra tokenin qiyməti sürtlə artıb.
Nəticədə onun qiyməti 0,00000001372 dollardan 0,00002413 dollara yüksəlib. Hazırda qiymət bir qədər aşağı enərək 0,0000006157 dollarda sabitləşib. Amma bu da tokenin əvvəlki qiymətindən təqribən 45 dəfə artıqdır.
Qeyd edək ki, İlon Maskın tviti ilə koinlərin qiymətinin artıb azalması ilk dəfə deyil. bu üsulla noyabrda 3 «oyuncvq» token bahalaşıb. Əvvəlcə Mask yazıb ki, Vikinqlər Ayda amerikalı astronavtlardan daha tez olublar. Bazar Maskın bu tvitini adında «vikinq»sözü olan hansı tokenin bahalaşacağına işarə kimi qəbul edib və dərhal reaksiya verib. Nəticədə «Viking Swap» 800%, «VikingChain» 329%, «Space Vikings» isə 150% bahalaşmışdı.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
