Hong Kong hökuməti, şəhəri sərvət idarəçiliyi mərkəzi kimi daha cazibədar etmək məqsədilə kriptovalyutalardan və digər alternativ sərmayələrdən əldə edilən gəlirlərə vergi güzəştləri tətbiq etməyi planlaşdırır.
ABŞ-da 24 saat işləyən fond birjası işə düşəcək
FED.az xəbər verir ki, təklif hedc fondları, özəl kapital fondları və müəyyən ailə ofislərinə aid sərmayə vasitələrini əhatə edir.
Maliyyə Xidmətləri və Xəzinədarlıq Bürosunun məsləhətləşmə sənədinə görə, xarici əmlaklar, karbon kreditləri, özəl kreditlər və virtual aktivlər kimi investisiya kateqoriyaları üçün kapital gəliri vergisindən azad olunması nəzərdə tutulub. Bu, Hong Kongu qlobal rəqəmsal aktivlər mərkəzi kimi mövqeyini gücləndirmək və yeni kapital mənbələrini cəlb etmək məqsədini daşıyır.
Hökumətin məlumatına əsasən, Hong Kong Asiyanın ən böyük hedc fond mərkəzidir və özəl kapital fondları ilə idarə olunan kapital həcminə görə dünyada ikinci yerdədir. Şəhərdə fəaliyyət göstərən 2700-dən çox ailə ofisindən yarıdan çoxunun sərvəti 50 milyon ABŞ dollarını aşır.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
