İyulun 14-də Bakı Fond Birjasında  (BFB) «TBC Kredit» BOKT MMC-nin istiqrazları satışa çıxarılacaq.

FED.az xəbər verir ki, bu gün BFB-nin Listinq Komitəsinin qərarı ilə ümumi dəyəri 1 milyon maat olan istiqrazlar standart bazar seqmentində listinqə daxil edilib. Ayın 14-də isə istiqrazların satışı üzrə hərrac keçiriləcək.

İstiqrazlar 2 illik müddətə buraxılır, illik gəlirliyi 12%-dir, faizlər 6 aydan bir ödəniləcək.

İstiqrazların emissiya prospektini – yəni şərtlərini və istiqrazı buraxan şirkətin vəziyyətini əks etdirən sənədi BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə etmək olar

   İstiqrazlarla bağlı məlumatlar aşağıdakı kimidir:

            Yerləşdirmə üzrə anderrayter “AzFinance İnvestisiya Şirkəti” QSC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi)  bölməsində yerləşdirilmişdir.