“FINCA Azerbaijan” MMC bank olmayan kredit təşkilatı (BOKT) Bakı Fond Birjasında (BFB) keçirdiyi istiqraz hərracını uğurla yekunlaşdırıb.

FED.az biznes və maliyyə xəbərləri portal xəbər verir ki, 20 oktyabr 2026-cı il tarixində keçirilən hərracda şirkətin 2 milyon manatlıq istiqrazları tam həcmdə yerləşdirilib.

Hərracda 50 investor iştirak edib və ümumilikdə 50 sifariş təqdim olunub. Sifarişlərin ümumi məbləği 2 milyon manat təşkil edib. Nəticədə sifarişlərin hamısı təmin edilib və 2 milyon manatlıq istiqraz satılıb.

İstiqrazların yerləşdirilməsi üzrə anderrayter “Unicapital İnvestisiya Şirkəti” ASC olub.

Buraxılış çərçivəsində hər birinin nominal dəyəri 100 manat olan 20 min ədəd istiqraz yerləşdirilib.

İstiqrazların illik gəlirlilik dərəcəsi 15%, tədavül müddəti isə 18 aydır. Faiz gəlirləri investorlara hər 3 aydan bir ödəniləcək.

Beləliklə, istiqrazları tədavül müddətinin sonunadək saxlayan investorlar üçün nominal məbləğə görə ümumi faiz gəliri 22,5% təşkil edəcək.

İstiqrazlar təmin edilməmiş, faizli, sənədsiz və adlı qiymətli kağızlardır. Onların ISIN kodu AZ2017019202-dir.

Hərracın əsas nəticələri:

Bakı Fond Birjasının məlumatına əsasən, hərracın nəticələri listinq qaydalarının tələblərinə uyğun olduğundan istiqrazlar Standart Bazar Listinq seqmentinə daxil edilir.