"CME Group" (dünyanın ən iri fyuçers birjalarının operatoru) ən populyar kriptovalyuta olan "bitcoin" ilə ticarətə başlayıb.
"Prime" agentliyinin məlumatına görə, 2018-ci il üçün fyuçers müqavilələrinin start qiyməti 20,65 min dollar təşkil edir. Ticarət sessiyasının startında qiymət bir qədər artsa da, Bakı vaxtı ilə saat 07:18-də "bitcoin"in dəyəri 18,79 min dollara enib.
Bir həftə öncə isə Çikaqonun opsion birjasında "bitcoin" ilə ticarətə başlanılıb. Debüt ticarət sessiyasında "bitcoin"in dəyəri 25% artaraq 18,85 min dollara çatıb.
