Aprel ayının ortalarında ABŞ-ın iri şirkətlərinin səhmləri üzrə fond bazarında əhəmiyyətli enişlər müşahidə olunub.

Qızıl zirvələrə doğru yüksəlir - QİYMƏT 3 300 DOLLARI KEÇDİ

FED.az xəbər verir ki, dünən texnologiya sektorunun aparıcı adları da daxil olmaqla, əksər şirkətlərin səhmləri dəyər itirib. İnvestorlar üçün bu dalğalanma, həm risklərin artdığını, həm də bazarın ehtiyatlı mövqe tutduğunu göstərir. 

Ən çox ucuzlaşan səhmlərdən biri NVIDIA-ya məxsusdur. Şirkətin səhmləri bir gün ərzində təxminən 6,87% dəyər itirib. Bu da onu siyahının ən çox ucuzlaşan səhmi edir.

Tesla-nın səhmlərində isə 4,94% eniş baş verib. Bu da şirkətin investorları üçün ciddi siqnaldır və bazarda narahatlıq doğura bilər.

Apple, Amazon, Microsoft, Meta və Google kimi texnologiya nəhəngləri də 2%-dən 4%-ə qədər ucuzlaşma ilə gündəmi zəbt edib.

Maraqlıdır ki, siyahıda yeganə bahalaşan səhmlər Johnson & Johnson şirkətinə məxsus olub. Bu səhmlər +0,19% dəyər qazanaraq, fond bazarının ümumi mənzərəsində istisna təşkil edib. Bu da göstərir ki, səhiyyə sektoru hələ ki, sabitliyini qoruyur və investorlar üçün daha dayanıqlı alternativ hesab olunur.

Ümumilikdə, bazarda müşahidə olunan mənfi dinamika texnologiya sektorunda baş verən tənzimləmələr, gəlirlərlə bağlı proqnozlar və gələcəkdə gözlənilən monetar siyasət dəyişiklikləri ilə əlaqələndirilə bilər. Xüsusilə qiymətlərin düşməsi fonunda alış fürsətləri də yarana bilər. Ancaq bazardakı qeyri-müəyyənlik, qısa müddətdə daha ehtiyatlı yanaşmanı zəruri edir.

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.