Dünən qlobal fond bazarlarında texnologiya nəhənglərinin səhmləri bir-birindən fərqli istiqamətlərdə hərəkət edib.

Qızıl sərhədləri aşdı - UNSİYASI ARTIQ 3,358 DOLLAR

FED.az xəbər verir ki, dünənki bağlanış qiymətləri və gündəlik dəyişikliklər, bazardakı qeyri-müəyyən ab-havanı aydın şəkildə ortaya qoyur.

Ən çox dəyər itirən səhmlər sırasına bu dəfə Berkshire Hathaway başçılıq edir. Şirkətin səhmləri gün ərzində 5,12% ucuzlaşıb və 512,15 dollar səviyyəsində bağlanıb. Bu, həm texnoloji sahədə deyil, həm də daha sabit investisiya adlandırılan şirkətlərdə belə ciddi dəyişikliklərin baş verə biləcəyini göstərir.

İkinci yerdə isə Apple gəlir. Texnologiya nəhəngi 198,89 dollarla bağlanaraq gün ərzində 3,15% dəyər itirib. Bu, şirkət üçün son günlərdə ardıcıl yaşanan enişin davamı olaraq qiymətləndirilə bilər.

Ucuzlaşan digər şirkət səhmləri arasında Tesla (-2,42%), Amazon.com (-1,91%) və Johnson & Johnson (-0,72%) da yer alır. NVIDIA da 0,59% azalma ilə günü mənfi zonada başa vurub.

Digər tərəfdən, ən çox bahalaşan səhmlər isə Meta Platforms-a aid olub. Şirkətin səhmi 599,27 dollarla bağlanıb və 0,38% artım qeydə alınıb. Bu, cüzi də olsa, bazarda müsbət fərqlənən nadir göstəricilərdən biridir.

Meta-nı Visa (+0,30%), Microsoft (+0,20%) və Alphabet (+0,14%) izləyir. Bu şirkətlərin səhmləri günü müsbət başa vursa da, artım faizləri nisbətən zəif qalıb.

Ümumi mənzərə göstərir ki, bazarın əsas hissəsində ucuzlaşma müşahidə olunub. 10 əsas şirkətdən yalnız 4-ü artım, digərləri isə azalma ilə günü tamamlayıb.

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.