Rusiya Prezidenti Vladimr Putinin adını daşıyan virtual pul PutinCoin, kripto valyuta birjası YoBit-də bu gün 126 faiz dəyər qazanaraq 0,04 dollara yüksəlib.
FED.az xəbər verir ki, PutinCoin-in, kriptovalyuta bazarında ən sürətlə bahalaşan virtual pullardan biri olduğu qeyd olunur. Pulun bazar dəyəri 7 milyon dollardan çoxdur.
PutinCoin, Rus xalqına və Putinə həsr edilərək yaradılmış virtual valyutadır. PutinCoin-in internet saytında, "PutinCoin, dünyanın ən böyük ölkəsi olan Rusiyanın xalqına və liderinə həsr olaraq yaradılmışdır. PutinCoin, iş adamları və texnologiya layihələri üçün bir çox imkan yaradacaq" deyilir.
Rusiya rəsmiləri, virtual pulu rəsmən tanımayacaqlarını tez-tez dilə gətirir. Putin isə oktyabr ayında etdiyi bir danışıqda, "Bir çox ölkədə rəqəmsal pul vahidləri bir ödəmə və investisiya vasitəsi halına gəlir, ya da hazırda gəldi. Rəqəmsal pul vahidlərinin istifadəsi eyni zamanda əhəmiyyətli risklər də daşıyır. Mərkəzi Bankın narahatlıqlarını başa düşürəm" demişdi.
@marja
