Dekabrın 28-də Bakı Fond Birjasında (BFB) BOKT "Kredaqro" MMC-nin ümumi dəyəri 500 000 manat olan istiqrazlarının yerləşdirilməsi üzrə hərrac keçiriləcək.

FED.öaz xəbər verir ki, dekabrın 23-də Bakı Fond Birjasının Listinq Komitəsinin qərarı ilə BOKT "Kredaqro" MMC-nin ümumi dəyəri 500 000 manat olan istiqrazları standart bazar seqmentində listinqə daxil edilib.

Şərtlərə görə, istiqraz buraxılışı hər biri 5 000 manat olan 100 istiqrazın satışı formasında baş verəcək. İstiqrazlar 18 ay dövriyyədə olacaq, onların illik gəlirliyi 11% təşkil edir. Faizlər 3 aydan bir ödəniləcək.

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.   

İstiqrazların emissiya prospektini BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə edə bilərsiniz.

 İstiqrazlar üzrə məlumat aşağıdakı kimidir:

            Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilmişdir.