29 mart 2024-cü il tarixində Bakı Fond Birjasında kredit borcların qaytarılması üzrə xidmətlər göstərən “BoA Agency ASC-nin AZ1001025407 dövlət qeydiyyat nömrəli 110 000 manat həcmində, adi adlı sənədsiz səhmlərinin abunə yazılışı üsulu ilə yerləşdirilməsi yekunlaşmışıb.
FED.az xəbər verir ki, bu barədə BFB məlumat yayır.
Abunə yazılışı zamanı anderrayterə 2 investor tərəfindən 1 manat qiymətindən 2 sifariş təqdim edilmişdir.
Abunə yazılışı üzrə toplanmış sifarişlərin nominal qiymətlə ümumi məbləği 110 000 manat təşkil etmişdir. Səhmlərin nominal qiymətlə yerləşdirilmiş həcmi isə 110 000 manat təşkil etmişdir.
Xatırladaq ki, buna qədər “BOA Agency” ASC-nin səhmdarları Yadulla Yusifov (50%) və Rüstəm Hacıyevdir (50%).
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
