Dünyanın kriptovalyuta bazarında bahalaşma çox da uzun sürmədi.
FED.az xəbər verir ki, son sutka ərzində əsas virtual valyutalar yenə də ucuzlaşmağa başlayıb. Yanvarın 26-da səhər saatlarında olardan yalnız 23-nün qiymətində bahalaşma müşahidə edilir. Digər 77 kriptovalyuta dəyərini itirməyə başlayıb.
Onların sırasında əsas virtual valyutalar da var. Ən böyük kapitallaşmaya malik olan Bitkoin 1,16% ucuzlaşaraq 11,4 min dollara düşüb.
Etherium isə 2,42% geriləyərək 1 068 dollar olub. Dünən bir qədər mövqeyini möhkəmlədən Ripple da yenidən ucuzlaşıb. Bu gün həmin virtual valyutanın dəyəri 5,45% dəyər itirərək 1,29 dollara düşüb.
Ən böyük ucuzlaşma isə SmartCash-in qiymətində baş verib. Bu virtual valyuta 23,40% dəyər itirərək 0,60 dollara düşüb.
Bitkoinin "ulduzu söndü" - QİYMƏTLƏR
09:56
26 Yan 2018
