Dünyanın kriptovalyuta bazarında yeni artım dalğası başlayıb.

FED.az xəbər verir ki, əsas kriptovalyuta sayılan bitkoinin qiyməti son 6 gün ərzində böyük sıçrayışla yüksələrək rekord həddə çatıb.

Belə ki, dekabrın 11-də 17 638 dollara düşən bitkoinin qiyməti dekabrın 17-də 23 584 dollara yüksəlib. Bu - 6 gün ərzində 6 min dollar və ya 34% artım deməkdir.

Təkcə son sutka ərzində bitkoin 6%-ə yaxın bahalaşıb. Hazırda onun qiyməti 22 900 -23 000 dollar arasında dəyişir.

Ümumilikdə, bazar kapitalizasiyasına görə ən böyük 100 kriptovalyutanın 92-nin qiyməti son bir həftə ərzində yüksəlib.

Ən böyük artım Litecoin (LTC) (Həftəlik artım 50,3%, qiymət 108,5 dollar), Energy Web Token (EWT) (27,7%, qiymət 6,6 dollar) və Bitkoin-də (27,7%, qiymət 22 959 dollar) baş verib.