Dünyanın əsas kriptovalyutası sayılan bitcoin qiyməti ötən günlərdə rekord həddi keçdikdən sonra sürətlə aşağı enir.
FED.az xəbər verir ki, bitcoin son 24 saat ərzində 744 dollar və ya 7% ucuzlaşıb. Yəni bitcoinin dekabrın 1-i saat 9:40-a olan qiyməti 10 min 14 dollardır. Son bir həftə ərzində isə bitcoin 1945 dollar və ya 24% bahalaşıb.
Qeyd edək ki, bitcoin sutka ərzində qısa müddət aralığında 1556 dollar və 14% ucuzlaşaraq 9202 dollara enib. Bu müddətdən 9 saat sonra isə 1100 dollar və ya 11% bahalaşaraq 10 min 302 dollara yüksəlib. Ethereum-un məzənnəsi də hərəkətlidir. Belə ki, bu kriptovalyuta sutka ərzində 25 dollar və 5,4% ucuzlaşaraq 436 dollara satılır. Bu kriptovalyuta son bir həftə ərzində isə 26 dollar və ya 6% bahalaşıb. Ethereum-un məzənnəsindəki hərəkətlənmə 461 dollardan 401 dollara enməsi ilə başlayıb. 9 saat ərzində isə 453 dollara yüksələ bilib.
Bitcoin sürətlə ucuzlaşır – QİYMƏT
10:01
1 Dek 2017
