Bitkoin 2020-ci ilin noyabrından bəri ilk dəfə 16 min dollardan aşağı düşüb

«Coindesk» saytının məlumatına görə, cümə axşamı ticarət sessiyası zamanı bitkoin 13,51% ucuzlaşaraq 15 844 dollar təşkil edib.

Sonuncu dəfə bitkoinin dəyəri 2020-ci ilin noyabrında 16 min dollardan aşağı düşüb.

Bununla yanaşı, son bir neçə saatda bitkoin yenidən yüksəlməyə başlayaraq 16 min dolları keçib və hazırda 16,3 min dollar ətrafında ticarət edilir.

Bitkoin blokçeyn texnologiyasına əsaslanan eyniadlı kriptovalyutanın mərkəzləşdirilməmiş sistemidir və sistemin üzvü olan istənilən istifadəçi tərəfindən «istehsal» edilə bilər.

Sistemin konsepsiyası 2008-ci ilin noyabrında Satoshi Nakamoto təxəllüsü ilə onun müəllifi (bəlkə də müəlliflər qrupu) tərəfindən nəşr edilib. Bitkoinin populyarlığının zirvəsi yalnız son illərdə qeyd olunur. Bitkoinin tədarükü təbii olaraq məhduddur, hazırda bitkoinlərin çoxu artıq «hasil edilib».