"Azərlotereya" ASC ani lotereyalarının satış arealı genişləndirilir.
FED.az xəbər verir ki, şirkət “Brilliant”, “Şans ulduzu” və “Qızıl” ani lotereyalarının satışının daha səmərəli təşkili və satış arealını genişləndirmək məqsədi ilə “Optimal Elektronika” MMC ilə əməkdaşlığa başladı.
Tərəflər arasında bağlanmış müqaviləyə əsasən ani lotereyaların satışı “Optimal” mağazalarında da həyata keçirilir.
Lotereya həvəskarları 17 dekabr 2021-ci il tarixindən etibarən “Brilliant”, “Şans ulduzu” və “Qızıl” ani lotereyalarını “Optimal” mağazalarında əldə edə bilirlər. Satışlar “Optimal Elektronika”-nın 80 mağazasında həyata keçirilir.
“Optimal” mağazalarında çalışan əməkdaşlara ani lotereyaların satışı, biletlərin yoxlanılması, uduşların verilməsi və digər zəruri prosedurların yerinə yetirilməsi üçün təlimlər təşkil olunmuş, onlara satışların həyata keçirilməsi ilə bağlı məlumatlar verilmişdir
Qeyd edək ki, Azərlotereya ASC-nin daha həyəcanlı və daha əyləncəli ani lotereyaları 100.000 manatlıq böyük uduşları və milyonlarca uduş şansını təqdim edir.
Ətraflı məlumatı www.azerlotereya.com və www.optimal.az saytından əldə edə bilərsiniz.
“Azərlotereya” ASC haqqında:
"Azərlotereya" ASC Azərbaycan Respublikası Prezidentinin 23 noyabr 2001-ci il tarixli, 599 saylı fərmanına əsasən, Azərbaycan Respublikasında lotereya fəaliyyətini təkmilləşdirmək, vətəndaşların hüquqlarının və qanuni mənafelərinin qorunmasını ardıcıl təmin etmək, lotereyanın keçirilməsindən dövlət büdcəsinə daxil olmaların artırılmasına və lotereya fəaliyyəti sahəsində dövlət nəzarətini daha da gücləndimək məqsədi ilə yaradılmışdır. "Azərlotereya" ASC Azərbaycan Respublikası ərazisində bütün növ lotereyaların (malların satışı və xidmətlərin göstərilməsi ilə müşayət olunan lotereyalar istisna olmaqla) buraxılması, təşkili və keçirilməsi fəaliyyətini həyata keçirir. "Azərlotereya" ASC Avropa Dövlət Lotereyalar və Toto Assosiyasiyasının üzvüdür. Prezident İlham Əliyev “Azərlotereya” Açıq Səhmdar Cəmiyyətinin idarəetməyə verilməsi ilə əlaqədar bəzi məsələlərin tənzimlənməsi haqqında” 16 yanvar 2021-ci il tarixli Sərəncamına əsasən, “Azərlotereya” ASC Türkiyə Respublikasının “Demirören Şans Oyunları Yatırımları A.Ş.” şirkətinin törəmə cəmiyyəti olan “YMT Sans B.V.” şirkətinə müqavilə əsasında idarəetməyə verilib.
