Bu ilin I rübündə Azərbaycanın qiymətli kağızlar bazarında 8 milyard 318,8 milyon manatlıq əməliyyat aparılıb.

"PAŞA Kapital” 35 milyon dollarlıq istiqraz emissiyasını - UĞURLA HƏYATA KEÇİRDİ

FED.az xəbər verir ki,  Azərbaycan Mərkəzi Bankının məlumatına görə, bu, ötən ilin eyni dövrünə nisbətən 2,4 dəfə çoxdur.

İllik göstəricinin 2 milyard 454 milyon manatlıq hissəsi ilkin bazarda (2,45 dəfə çox), 5 milyard 864,8 milyon manatlıq hissəsi təkrar bazarda (2,4 dəfə çox) formalaşıb.

Hesabat dövründə qiymətli kağızlar bazarında 3 290 əqd bağlanılıb. Bu, illik müqayisədə 15,4 % çoxdur. Əqdlərin 497-si ilkin bazarın (18,1 % çox), 2 793-ü isə təkrar bazarın (15 % çox) payına düşüb.

Yanvar-mart aylarında qiymətli kağızlar bazarında aparılmış əməliyyatların 2 milyard 200,4 milyon manatlıq hissəsi və yaxud 26,5 %-i dövlət qiymətli kağızlarının, 1 milyard 238,2 milyon manatlıq hissəsi və yaxud 14,9 %-i korporativ qiymətli kağızların, 4 milyard 880,2 milyon manatlıq hissəsi və yaxud 58,7 %-i isə repo əməliyyatlarının payına düşüb. Bunlar, əvvəlki ilə nisbətən müvafiq olaraq 2,1 dəfə, 2,8 dəfə və 2,5 dəfə çoxdur.

İl ərzində bu bazarda bağlanmış əqdlərin isə 771-i və yaxud 23,4 %-i dövlət qiymətli kağızlarının, 974-ü və yaxud 29,6 %-i korporativ qiymətli kağızların, 1 545-i və yaxud 47 %-i isə repo əməliyyatlarının payına düşüb. Bunlar isə illik müqayisədə müvafiq olaraq 58 %, 0,3 % və 11,1 % çoxdur. (Report)

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.