"Bank BTB" ASC 3 milyon manatlıq istiqraz buraxır.

FED.az Emissiya Prospektinə istinadən xəbər verir ki, emissiya hər birinin nominal dəyəri 1000 manat olan 3000 ədəd faizli, təmin edilməmiş sənədsiz, adlı istiqrazlardan ibarətdir. 

İstiqrazlar üzrə illik faiz dərəcəsi 14% faiz təşkil edir.

İstiqrazlar üzrə ödənilməli olan faizlər istiqrazların tədavül dövründə (buraxılışda olan ilk istiqrazın yerləşdirildiyi tarixdən etibarən 7 il müddətində, ildə günlərin sayı 360 olaraq götürülməklə) hər 30  təqvim gününün başa çatması tarixindən növbəti 3 iş günündən gec olmayaraq ödənilir.  Sonuncu kupon ödənişi tədavül müddətinin sonunda istiqrazların nominal dəyəri ilə birlikdə ödəniləcəkdir.

İstiqrazlar təmin edilməmiş istiqrazlardır. Tədavül müddəti ərzində istiqrazların geri satın alınması ilə bağlı Emitent tərəfindən öhdəlik nəzərdə tutulmur.

İstiqrazların anderrayteri sifarişləri “Assist Finance İnvestisiya Şirkəti” ASC-dir. 

“Bank BTB” ASC 24 Fevral 2010-cu il tarixdə dövlət qeydiyyatına alınıb. “Bank BTB”  Mərkəzi Bankı tərəfindən müddətsiz olaraq verilmiş 10 mart 2010-cu il tarixli 254 nömrəli bank lisenziyası fəaliyyət göstərir. Nigar İsmayıl qızı Mehdiyeva (76.7376 % ), Rza İsmayıl oğlu Sadiq (17.6823 %), Tükazban Ağa qızı Mahmudova  (5.5801 %) və digər şəxslər Bankın səhmdarlarıdır.