EUR
Avrozonada yüksəlməkdə davam edən inflyasiya göstəriciləri fonunda faiz artımı ehtimallarının artması EUR/USD məzənnəsinin də bahalaşmasına səbəb olmaqdadır.
Təhlillərə əsasən, cütlüyün qiyməti 1.07$-ı üzərində möhkəmlənərsə, 1.09$-a kimi dəyər qazanmaqda davam edə bilər.
GBP
GBP/USD məzənnəsində isə üfüqi dalğalanma diqqət çəkir. Əgər 1.25$-ı üzərinə yüksələrsə, funt sterlinq bahalaşmaqda davam edə bilər.
Bununla yanaşı, çərşənbə axşamı İngiltərədə biznes aktivliyi indekslərinin dərci də investorların diqqət mərkəzində olacaqdır. Həmçinin cümə axşamı keçiriləcək AMB toplantısı da maraqla gözlənilir.
TRY
USD/TRY məzənnəsində qiymət 16.50TL həddini qırarsa, artım tendensiyası güclənə bilər.
OIL
Enerji bazarlarında neftin qiymətində bahalaşma dalğası 128$-a kimi davam edə bilər.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD
Əlvan metallar bazarlarında qızılın 1830$ və 1860$ koridorunda üfüqi dalğalandığı müşahidə edilir. Təhlillərə əsasən, 1860$ həddi qırılarsa bir unsiya üzrə qiymət 1902$-a (61.15$/qram) kimi bahalaşa bilər.
Məlumat Azərbaycanın InvestAZ İnvestisiya şirkətinin analitikləri tərəfindən hazırlanıb.
