Azərbaycanda Türkiyə kapitalı ilə fəaliyyət göstərən banklardan olan “Ziraat Bank Azərbaycan” ötən il gəlirlərini 50%-ə yaxın artırıb.

Azərbaycanda banklar pulu nədən qazanırlar? – GƏLİR MƏNBƏLƏRİ, MƏBLƏĞLƏR – BANKLAR (31.12.2025)

FED.az biznes və maliyyə xəbərləri portalı “Ziraat Bank Azərbaycan”ın gəlir mənbələrini araşdırıb.

“Ziraat Bank Azərbaycan” 2025-ci ildə demək olar ki, bütün gəlir sahələrindən gəlirlərini artırıb. Bank ötən il gəlirlərinin böyük hissəsini 64 milyon 243 min manatını və ya ümumi gəlirlərin 67%-ini kredit portfeli üzrə faiz gəlirlərindən əldə edib. Bu gəlirlər 2024-cü illə müqayisədə 66,6% artıb.

Qiymətli kağızlara yatırımlar banka 907 min manat gəlir gətirib və ümumi gəlirlərdə 1%-lik yer tutub. Bu gəlirlər bir ildə 59,1% çoxalıb.

Bank həm digər banklardakı depozitlərdən, həm də digər banklara verilmiş kreditlərdən gəlir əldə edib. Belə ki, digər banklara verilmiş kreditlərdən gəlirlər 2 milyon 956 min manat – ümumi gəlirlərdə 3%, digər banklardakı depozitlərdən gəlirlər isə 10 milyon 533 min manat – ümumi gəlirlərdə 11% olub, bunlar da, müvafiq olaraq 96,1% və 21,6% artım göstərib.

Komissiya haqlarından gəlirlər 9 milyon 304 min manat olmaqla ümumi gəlirlərin 10%-ini tutub və bir ildə 17,5% çoxalıb.

Bankın digər qeyri-faiz gəlirləri 1 milyon 785 min manat olub ki, bu da, son bir ildə 87,9% çoxalma deməkdir. Bu gəlirlər ümumi gəlirlərdə 2%-lik yerə malik olub.

“Ziraat Bank Azərbaycan”ın yalnız valyuta əməliyyatlarından gəlirləri azalıb. Belə ki, bankın bu sahədən gəlirləri bir ildə 10% azalaraq 5 milyon 964 min manata düşüb və ümumi gəlirlərin 6%-ini tutub.

2024-2025-ci illər ərzində “Ziraat Bankı Azərbaycan”nın gəlirlərinin məbləği, onun ümumi gəlirlərdəki payı və gəlirlərin məbləğinin illik dinamikası aşağıdakı kim olub: