“Yapı Kredi Bank Azərbaycan” yeni iş yerlərinin yaradılması və sosial rifahın yüksəldilməsinə dəstək olmaq məqsədi ilə bir neçə aztəminatlı ailəyə biznes təşəbbüslərini həyata keçirmək üçün dəstək göstərmişdir. Belə ki, bank kiçik sahibkarlıq müəssisəsi qurmaq üçün aztəminatlı ailələrə lazım olan avadanlıqları alaraq onların öz müəssisələrini qurmasına təkan vermişdir.
FED.az xəbər verir ki, Əmək və Əhalinin Sosial Müdafiəsi Nazirliyi, Mərkəzi Bankı təşəbbüsü və Azərbaycan Banklar Assosasiyasının koordinasiyası ilə icra edilən bu korporativ sosial məsuliyyət proqramı çərçivəsində aztəminatlı ailələr öz biznes planlarına uyğun olaraq istehsal və ya xidmət avadanlıqları ilə təmin edilir. Bu proqramın əsas məqsədi həmin ailələri kiçik biznes qurmaq, və ya mövcud biznesi genişləndirmək üçün tələb olunan texniki təchizatla təmin etməkdən ibarətdir. “Yapı Kredi Bank Azərbaycan” təməl dəyərlərindən biri olan korporativ sosial məsuliyyət prinsipini əsas götürərək, layihədə yaxından iştirak etməyə qərar vermişdir.
May ayının 27-də və 28-də Bank tərəfindən Rayon Məşğulluq Mərkəzləri tərəfindən irəli sürülən iki ailəyə müvqafiq olaraq un məmulatları və broyler sexinin qurulması üçün avadanlıqlar təqdim olunmuşdur.
Belə ki, Leyla Əhmədova üçün indiyə kimi ev şəraitində şirniyyat hazırlayaraq həyata keçirdiyi işini genişləndirərək, öz un məmulatları sexini qurması üçün lazımi avadanlıqlar alınmışdır.
Şəhid ailəsi Zöhrab Kərimovun isə ailəsinə məxsus həyatyanı sahədə broyler sexi qurması üçün texniki təchizata ehtiyacı var idi. Onun bu təşəbbüsünü gerçəkləşdirmək üçün Yapı Kredi Bank Azərbaycan lazım olan bütün avadanlıqları alaraq, Zöhrab Əkbərova təqdim etmişdir.
Məlumat üçün bildirək ki, bank növbəti aylarda bu fəaliyyətini davam etdirərək, daha bir neçə aztəminatlı ailələrin özünməşğulluğuna dəstək verəcəkdir. Növbəti aylarda daha bir neçə ailənin kiçik biznes idealarının reallaşmasına töhvə verəcəkdir.
Qeyd edək ki, ana səhmdarı Koç Holding (Türkiyə) və Unicredit (İtalya) olan Yapı Kredi Bank Azərbaycan Bakı və Sumqayıt şəhərlərində yerləşən filialları, 7/24 xidmət göstərən Telefon Mərkəzi və İnternet/Mobil Bankçılıq məhsulları ilə müştərilərə geniş çeşiddə xidmət verməkdədir.
Bankın məhsul və xidmətləri barədə məlumatı bankın filiallarından, www.yapikredi.com.az internet adresindən, *0444 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.
