Xalq Bank Korporativ sosial məsuliyyət istiqamətində ətraf mühitin qorunmasına yönəlmiş layihələrin icrasını davam etdirir.
28 noyabr tarixdə Xalq Bankın təşkilatçılığı, Ekologiya və Təbii Sərvətlər Nazirliyinin dəstəyi ilə Bakı şəhərinin Müşfiqabad qəsəbəsində ağacəkmə aksiyası keçirilib. Bu təşəbbüs, Bankın 2024-2026-cı illər üzrə İnkişaf Strategiyası üzrə sosial məsuliyyət və ekoloji davamlılıq sahəsindəki öhdəliklərinə uyğun olaraq həyata keçirilmişdir.
Aksiyanın məqsədi ekosistemin qorunmasına töhfə vermək, təbiətə qarşı məsuliyyətli yanaşmanı təşviq etmək və gələcək nəsillər üçün yaşıl və sağlam bir mühitin təmin edilməsində iştirak etməkdir. Aksiyada iştirak edən Bankın rəhbər heyəti və əməkdaşları Eldar şamı və zeytun ağacları tingləri əkməklə bu ekoloji təşəbbüsə dəstək oldular.
Xatırladaq ki, Xalq Bank əvvəlki illərdə də ölkədə keçirilən ağacəkmə aksiyalarında fəal iştirak edərək ətraf mühitin qorunmasına və yaşıl gələcəyin qurulmasına töhfə vermişdir. Həmçinin 2022-ci ildə Türkiyədə baş vermiş meşə yanğınları nəticəsində məhv olmuş ərazilərin bərpa edilməsi üçün 25000 ədəd ağacın əkilməsində dəstək olmuş və layihədə Mersin ərazisində ümumi sahəsi 16 hektar olan “Xalq Bank Kardeşlik Hatıra Ormanı” salınmışdır.
Bu il fəaliyyətinin 20 ilini qeyd edən Xalq Bank hazırda regionun ən dinamik inkişaf edən maliyyə qurumlarından biridir. Bank müxtəlif alternativ satış kanalları ilə yanaşı, ölkə üzrə 30 filialdan ibarət xidmət şəbəkəsi və peşəkar heyəti ilə müştərilərə müasir və rahat bankçılıq xidmətləri təklif edir.
Xalq Bankın məhsul və xidmətləri barədə məlumatları Bankın filial şəbəkəsindən, https://www.xalqbank.az/ rəsmi internet səhifəsindən, 138 Çağrı mərkəzindən, həmçinin müxtəlif sosial şəbəkə səhifələrindən əldə etmək olar.
