«Unibank» ASC pulu nədən qazanır?

FED.az Azərbaycanın aparıcı banklarından biri, kredit bazarının aktiv iştirakçısı və böyük filial şəbəkəsinə malik olan banklarından olan “Unibank”ın gəlir mənbələrini təqdim edir.

Azərbaycanda banklar pulu nədən qazanırlar? – GƏLİR MƏNBƏLƏRİ, MƏBLƏĞLƏR – BANKLARIN SİYAHISI (YANVAR-İYUN, 2023)

2023-ci ilin üçüncü rübünün nəticələrinə görə, “Unibank”ın ümumi gəlirləri 232 milyon 646 min manat təşkil edib. Bank bu göstərici üzrə ölkənin bank sestemində əla göstərici ilə 4-cü yeri tutur. Hesabat dövründə “Unibank”ın gəlirlərinin ən böyük hissəsi – 147 milyon 598 min manatı və ya bütün gəlirlərin 63%-i kredit portfelinin gəlirlərindən formalaşıb. Komissiya haqlarından isə 65 milyon 248 min manat daxil olub, bu bankın bütün gəlirlərinin 28%-i deməkdir. Başqa sözlə, bu iki gəlir maddəsi “Unibank”ın gəlirlərinin 91%-ni təşkil edir. Digər sahələrdən gəlirlər elə də ciddi məbləğlərlə ödçülmür – valyuta əməliyyatlarından gəlirlər 9 milyon 351 min manat və ya ümumi gəlirlərin 4%-i həcmində olub. Daha 3 milyon 150 min manat və ya ümumi gəlirlərin 1%-ni “Unibank”ın qiymətli kağızlardan yatırımları təmin edib.

“Unibank” başqa banklarda depozit yerləşdirilməsi və kredit ayırmaqla da ümumilikdə 2 milyon 121 min manat əldə edib. Daha 5 milyon 178 min manat isə “Unibank”ın digər faiz və qeyri-faiz gəlirlərindən daxil olub .

Ümumiyyətlə, “Unibank”ın ümumi gəlirlərində faiz gəlirləri 67%, qeyri-faiz gəlirləri 33% təşkil edir. Digər gəlirlərin məbləği və onun ümumi gəlirlərdəki payı aşağıdakı kimidir.