Azərbaycan Banklar Assosiasiyasının təşkilatçılığı ilə cari ilin 26-28 oktyabr tarixlərində Türkiyə Respublikasında bank sisteminin rəqəmsal transformasiyası üzrə əldə edilən nailiyyətlərin öyrənilməsi, qarşılıqlı əməkdaşlıq istiqamətlərinin müəyyən edilməsi məqsədilə səfər təşkil edilmişdir.
Eləcə də bax: «Yapı Kredi Bank Azərbaycan» QSC 2022-ci ilin üçüncü rübünü - MƏNFƏƏTLƏ BAŞA VURUB!
FED.az xəbər verir ki, səfərdə Azərbaycan Respublikası Mərkəzi Bankının nümayəndəsi və ABA-nın “Ödəniş sistemləri və rəqəmsal bankçılıq üzrə Ekspert Qrupu”nun üzvləri iştirak etmişdir. Nümayəndə heyəti səfər çərçivəsində Yapı Kredi Bank Azərbaycan" QSC-nin səhmdarı olan "Yapı Kredi A.Ş."-nin baş ofisində müzakirələr aparıbdır.
"Yapı Kredi A.Ş." nin ekspertləri Kemal Emrah Şölen ( Bireysel Kredi ve Birebir Pazarlama Direktörü) , Doruk Salih Tozan ( Üye İşyeri Pazarlama Müdürü), Duygu Pınar Hamamcı ( Digital ve Entegre Ödeme Çözümleri Müdürü), İlknur Ateş Küçükceylan (Digital ve Entegre Üye İşyeri Çözümleri Müdürü)
Görüşdə Türkiyənin və bankın ödəmə sistemlərinə ümumi baxış, “World” loyallıq proqramı, ödəniş və müraciət proseslərinin rəqəmsallaşdırılması mövzularında təcrübələrini bölüşdülər, sualları cavablandırdılar.
Əsas səhmdarları Koç Holding (Türkiyə) olan bank, Azərbaycanda Bakı və Sumqayıt şəhərlərində yerləşən filialları, 7/24 xidmət göstərən Telefon Mərkəzi (*0444) və İnternet/Mobil Bankçılıq məhsulları ilə müştərilərə geniş çeşiddə xidmət göstərir.
