Azərbaycanın aparıcı banklarından olan “TuranBank”ın 2025-ci ildə gəlirləri əvvəlki ilə nisbətən 14,4% artaraq 126 milyon 658 min manat təşkil edib.

FED.az biznes və maliyyə xəbərləri portalı “TuranBank”ın gəlir mənbələrini araşdırıb. 

Azərbaycanda banklar pulu nədən qazanırlar? – GƏLİR MƏNBƏLƏRİ, MƏBLƏĞLƏR – BANKLAR (31.12.2025)

2025-ci ildə “Turan Bank”ın  gəlir strukturuna baxdıqda diqqətçəkən məqam odur ki, gəlirlərin əsas hissəsini kredit portfeli üzrə faiz gəlirləri təşkil edib – bu istiqamətdən bank 94 milyon 876 min manat, yəni ümumi gəlirin 75%-ni qazanıb və bir ildə gəlirlərini 17% artırıb.

Valyuta əməliyyatlarından əldə olunan gəlirlər də diqqətçəkən dərəcədə yüksək olub. Bu istiqamət ümumi gəlirlərin 10%-ni təşkil edərək bankın hesabına 12 milyon 98 min manat qazanc gətirib. Son bir ildə bu sahədən gəlirlər 6% artıb.

Eyni zamanda, komissiya haqları da mühüm gəlir mənbələrindən biri kimi önə çıxıb. Müştərilərə göstərilən xidmətlərdən bankın əldə etdiyi 11 milyon 729 min manat, ümumi gəlirlərin 9%-nə bərabər olub. Komissiya gəlirləri bir ildə 22% çox olub.

Daha 3 milyon 965 min manat digər banklara yerləşdirilən depozitlərdən əldə edilən gəlirlər olub və bu, ümumi gəlirlərin 3%-lik hissəsini əhatə edib. Bu gəlirlərdə isə 12,4%-lik azalma müşahidə olunub.

Bundan başqa, qiymətli kağızlara investisiyalardan gəlir 1 milyon 857 min manat təşkil edib ki, bu da ümumi gəlirlərin təxminən 1%-i qədərdir. Bu sahədən gəlirlər də 28,7% azalıb.

Digər banklara kreditlərdən qazanılan gəlir 304 min manat, digər faiz gəlirləri 1 milyon 640 min manat, digər qeyri-faiz gəlirləri isə 189 min manat təşkil edib - hər biri ümumi gəlirlərin təxminən 1%-ə qədər hissəsini təşkil edir. Digər banklara kreditlərdən gəlirlər 96,2% artıb, digər faiz gəlirləri 60% artıb, digər qeyri-faiz gəlirləri isə 8,2% azalıb.

2024-2025-ci illər ərzində “Turan Bank”ın gəlirlərinin məbləği, onun ümumi gəlirlərdəki payı və gəlirlərin məbləğinin illik dinamikası aşağıdakı kim olub: