FED.az biznes və maliyyə xəbərləri portalı xəbər verir ki, Orhan Gültekin “Rabitəbank’’ ASC-də İdarə Heyəti Sədrinin 1-ci müavini təyin olunub.
Eləcə də bax: ABB-də - YENİ TƏYİNAT
Qeyd edək ki, buna qədər Orhan Gültekin 06 mart 2018-ci il tarixindən Rabitəbank-da İdarə Heyəti Sədrinin müavini (Satış üzrə) vəzifəsini icra edirdi.
Gültekin Orhan Rifat oğlu 06 may 1970-ci ildə Türkiyənin Bursa şəhərində anadan olmuşdur.
1987-1991-cı illərdə Türkiyənin Hacettepe Universitetində Menecment ixtisası üzrə bakalavr təhsili almışdır.
Orhan Gültekin 1993-cü ildə “Garanti” bankda öz karyerasına auditor olaraq başlamış, daha sonra 1997-2001-ci illərdə “Koçbank”da Satış üzrə müxtəlif idarəedici vəzifələrində;
2001-2012-ci illərdə “Yapı Kredi Bank – Türkiyə’’də satış üzrə Regional Direktor və İcraçı vitse-prezident vəzifələrində çalışmışdır.
2012-2015-ci illərdə ‘’Yapı Kredi Bank – Azərbaycan’’da Baş Direktor (satış üzrə) olaraq fəaliyyət göstərmişdir.
