Uğurla davam edən bu təşəbbüsə dəstək olaraq TuranBank sosial müdafiəyə xüsusi ehtiyacı olan işsiz şəxslərə, aztəminatlı ailələrə, məcburi köçkünlərə əvəzsiz olaraq vəsaitlər, avadanlıq verilməsi istiqamətində fəaliyyətini davam etdirir.
Eləcə də bax: "TuranBank" Avropa bankı ilə növbəti layihəyə - Start Verdi
FED.az xəbər verir ki, Tərtər rayonundan Əliyev Fizuli, Dadaşova Məhbubə, Hacıyeva Filurə, İlyasov Elnur, Məmmədov Nadir, Məmmədov Nəcəf, Məmmədova Elnarə, Nəcəfov Zaur və Bakı şəhərindən Rəhimov Ədalət fəaliyyət göstərdikləri sahə üzrə ehtiyacı olduğu iş alətləri və vəsaitlərilə təmin edilmişdirlər.
Xatırladaq ki, sözügedən dəstək 11 mart 2020-ci il tarixində Ölkə Prezidentinin həssas əhali qruplarının özünüməşğulluğunun təşkilinə və ölkədə fəaliyyət göstərən banklar tərəfindən köməklik göstərilməsi ilə bağlı sosial məsuliyyətin bölüşdürülməsi təşəbbüsünə dəstək vermək məqsədilə Azərbaycan Respublikasının Əmək və Əhalinin Sosial Müdafiəsi Nazirliyi, Azərbaycan Respublikasının Mərkəzi Bankı və Azərbaycan Banklar Assosiasiyası arasında həssas əhali qruplarının özünəməşğulluğunun təşkilinə köməklik göstərilməsi sahəsində əməkdaşlığa dair imzalanan Memoranduma əsasən TuranBank tərəfindən həyata keçirilir.
Bütün proqram iştirakçılarını təbrik edir və gələcək işlərində uğurlar arzulayırıq!
