Ölkənin aparıcı banklarından biri Rabitəbank təmassız və rəqəmsal ödənişlərin inkişaf etdirilməsində ölkəmiz üçün bir ilkə imza atdı.
Bankdan FED.az-a verilən məlumata görə, Rabitəbankın mobil tətbiqi Rabita Mobile Azərbaycanda “Apple Watch” - ağıllı saata inteqrasiya olunmuş ilk yerli mobil tətbiqdir!
Bundan sonra “Apple Watch” istifadəçiləri öz cihazları vasitəsilə kart və hesabının balansına istənilən zaman nəzarət edə, ödənişlər həayata keçirə, kartdan-karta pul göndərə və bu əməliyyatların statusunu izləyə biləcəklər. Bu innovativ rahatlıqdan həzz almaq üçün sadəcə Rabita Mobile tətbiqini yeniləmək kifayətdir, bundan sonra “Apple Watch” cihazınızın tətbiqlər siyahısında Rabita Mobile ikonu əks olunacaq. İkona klik etdikdən sonra mobil telefonunuzda Rabita Mobile tətbiqinə daxil olun. Telefonunuzdakı Rabita Mobile tətbiqində öncədən təyin etdiyiniz PİN kodu daxil etdikdən sonra, saatınızın ekranında avtomatik olaraq saat üçün PİN kod təyini əks olunacaq. Burada saat üçün istifadə edəcəyiniz 4 rəqəmli kod təyin edin. Yaratmış olduğunuz kodu təkrar yığdıqdan sonra tətbiqimizi saatınızda istifadə etməyə hazırsınız!
Digər məhsul və xidmətlərin rəqəmsallaşması, habelə mövcud rəqəmsal xidmətlərin isə daha da təkmilləşdirilməsi Rabitəbankın prioritet məsələlərindən biridir. Xatırladaq ki, Rabita Mobile “Apple Watch”da istifadə oluna bilən ilk yerli tətbiqdir. Bankın bu və bunun kimi bir çox gələcək layihələrinin əsas məqsədi müştərilərini daha çox üstünlük və yeniliklərlə sevindirməkdir. Rabitəbank müştərilərini nağdsız və təmassız ödənişlər sahəsində daha böyük yeniliklər gözləməkdədir.
"Rabitəbank" ASC, Azərbaycanın 16 regionu və Bakı şəhərində 27 xidmət məntəqəsi və 73 ATM-i, "Rabita Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı Mərkəzi ilə müştərilərin xidmətindədir.
