Ölkənin tanınmış və aparıcı bankının - "Premium Bank" ASC-nin Müşahidə Şurasının sədri Elçin Əhmədov ABA-nı 35 illik yubileyi münasibətilə təbrik edib.
Təbrik mətnində deyilir:
Premium Bank kollektivi və şəxsən öz adımdan, Azərbaycan Banklar Assosiasiyasının (@azerbaijanbanksassociation) 35 illik yubileyi münasibətilə Assosiasiyanın rəhbərliyini, üzvlərini və bütün əməkdaşlarını səmimi qəlbdən təbrik edirəm!
Bu xüsusi gün, ABA-nın Azərbaycan bankçılıq sektorunun inkişafında, beynəlxalq təcrübələrin tətbiqində və maliyyə sisteminin müasirləşməsindəki əvəzsiz rolunun bir daha təntənəsidir.
Yarandığı gündən etibarən ABA-nın ölkəmizin maliyyə sektoruna verdiyi dəyərli töhfələr, sektorda əməkdaşlığın gücləndirilməsi, innovativ texnologiyaların tətbiqi və müştəri hüquqlarının qorunması sahəsindəki uğurlu təşəbbüsləri, yalnız bankların inkişafına deyil, həm də ümumilikdə iqtisadiyyatın dayanıqlı və rəqabətqabiliyyətli olmasına mühüm təsir göstərmişdir.
ABA-nın beynəlxalq maliyyə institutları ilə qurduğu əməkdaşlıqlar və təşkil etdiyi tədbirlər, bank sektorunun beynəlxalq standartlara uyğunlaşmasına, rəqəmsal bankçılığın inkişafına və yeni maliyyə həllərinin tətbiqinə yönəldilmişdir. Bu yolda əldə edilən uğurlar, ölkəmizin maliyyə sisteminin gələcək inkişafına olan inamı daha da gücləndirir.
Premium Bank olaraq, ABA-nın 35 illik fəaliyyətindəki böyük uğurlarını yüksək qiymətləndirir və Assosiasiyanın üzvü kimi birgə dəyərlərimizə və hədəflərimizə sadiq qalaraq, gələcəkdə də bank sektorunun inkişafı, innovasiya və rəqəmsallaşma sahəsindəki təşəbbüslərinə dəstək olmağı davam etdirəcəyik.
Bu əlamətdar yubiley münasibətilə, Azərbaycan Banklar Assosiasiyasına uzunmüddətli və dəyərli fəaliyyətinə görə təşəkkür edirəm və gələcəkdəki uğurlarını arzulayıram.
