"Bank Respublika" 2025-ci il üzrə maliyyə hesabatını açıqlayıb.

FED.az biznes və maliyyə xəbərləri portalı bankın hesabatına istinadən xəbər verir ki, 2025-ci ilin.az biznes və maliyyə xəbərləri portalı maliyyə qurumunun hesabatına istinadən xəbər verir.

Bu, ötən ilin eyni dövrü ilə müqayisədə 2,6 milyon manata yaxın, yəni 6,8% artım deməkdir.

Qeyri-faiz gəlirlərinin artımında ən böyük pay "digər gəlirlər" maddəsinin üzərinə düşür. Bu istiqamətdən əldə edilən gəlirlər illik müqayisədə iki dəfə artaraq 1,4 milyon manatdan 2,8 milyon manata yüksəlib.

Bankın əsas qeyri-faiz gəlir mənbəyi olan alınan haqq və komissiya gəlirləri isə ötən ilə nəzərən 684 min manat (2,5%) artaraq təxminən 28 milyon manata çatıb. Xarici valyutadan əldə edilən gəlirlərdə də artım qeydə alınıb. Bu gəlirlər  9,5 milyon manat təşkil edib bu da illik 483 min manat (5,4%) artım deməkdir.

"Bank Respublika"nın cəmi qeyri-faiz xərcləri 127,7 milyon manata yaxın olub.

Bu, ötən ilin eyni dövrü ilə müqayisədə 16,2 milyon manat, yəni 14,6% artım deməkdir. Xərclərin artımında əsas pay əmək haqqı və inzibati xərclərin üzərinə düşür.

Hesabat dövründə maliyyə təşkilatının əmək haqqı və digər kompensasiya xərcləri 79,8 milyon manata bərabər olub. Bu 2024-cü ilə nəzərən təxminən 12 milyon manat (17,6%) artıma bərabərdi. Eyni zamanda, ümumi və inzibati xərclər  22,3 milyon manata bərabər olub ki, bu da illik də 2,9 milyon manat (15%) artım deməkdir.

Digər xərc maddələrində isə daha mülayim artım qeydə alınıb. Belə ki, amortizasiya xərcləri 116 min manat (6,4%) artaraq 1,9 milyon manata, digər xərclər isə 1,3 milyon manata yaxın (5,6%) artaraq 23,7 milyon manata çatıb.

Maliyyə qurumunun mənfəət göstəricisinə təsir edən əsas amillərdən biri mümkün zərərlər üçün yaradılan ehtiyatların kəskin artması olub. Bu ehtiyatların həcmi ötən ilə nəzərən 2,6 milyon manata yaxın (87,5%) artırılaraq 5,5 milyon manata çatdırılıb.

"Bank Respublika" 2025-ci ili 60,6 milyon manata yaxın xalis mənfəətlə başa vurub.

Bu, ötən ilin eyni dövrü ilə müqayisədə 10 milyon manat, yəni 19,8% artım deməkdir.

Maliyyə təşkilatının əməliyyat gəlirlərinin xərclərini üstələməsi və ehtiyat ayırmalarının idarə olunması nəticəsində ilin sonunda vergidən əvvəlki mənfəət ötən ilə nəzərən 11,3 milyon manat (17,3%) artaraq 76,7 milyon manata çatıb.

Maliyyə qurumu bu mənfəətdən dövlət büdcəsinə 16,15 milyon manat mənfəət vergisi ödəyib ki, bu da ötən illə müqayisədə 1,3 milyon manata yaxın (8,6%) çoxdur.

2025-ci ilin yekunlarına görə (31 Dekabr 2025 tarixinə), "Bank Respublika"nın cəmi aktivləri 2 milyard 725,7 milyon manat təşkil edib.

Bu, ötən ilin eyni dövrü ilə müqayisədə 549 milyon manat, yəni 25,2% artım deməkdir. Aktivlərin artımında bir neçə amil mühüm rol oynayıb.

Ən kəskin artım maliyyə təşkilatının digər maliyyə institutlarındakı depozitlərində qeydə alınıb. Bu göstərici illik müqayisədə 9 dəfəyə (380,3 milyon manat) yaxın artaraq 47,1 milyon manatdan 427,4 milyon manata yüksəlib.

Aktivlərin əsas maddəsi olan müştərilərə verilmiş xalis kreditlərin həcmi də il ərzində 178,3 milyon manat (12,2%) artaraq 1 milyard 643,6 milyon manata çatıb. Portfelin tərkibində biznes kreditləri 1 milyard 115,3 milyon manata bərabər olub. İl ərzində 102 milyon manat (10,1%) artıb..

İstehlak kreditləri 368,9 milyon manata bərabər olub. Bu kreditlər isə illik müqayisə 56,7 milyon manat başqa sözlə , daşınmaz əmlak kreditləri isə 23,1 milyon manat və ya 15,8% artımla 169,3 milyon manatı ötüb

İnvestisiya fəaliyyəti də aktivlərin böyüməsinə təkan verib. Belə ki, ticarət və investisiya qiymətli kağızları portfeli 2,4 dəfə və ya 81,7 milyon manat artaraq 57,1 milyon manatdan 138,8 milyon manata çatıb.

Bu başqa nağd pul vəsaitləri və ekvivalentləri 374,6 milyon manata bərabər olub.

MƏLUMAT YENİLƏNİR...