Dövlət bankı Azər Türk Bank ölkədə mikro, kiçik və orta sahibkarlığın inkişafına dəstək verilməsi istiqamətində işlərini davam etdirir.
Eləcə də bax: "Azər Türk Bank" istehlak kreditləri üzrə yeni kampaniyaya - START VERDİ
Belə ki, Bank Bakı şəhərindən başqa, regionlarda da kiçik və orta təsərrüfat subyektlərinin kreditlərə əlçatanlığını artırmaq məqsədi ilə Gəncə şəhərində yerləşən filialında Gəncə, Şəmkir, Goranboy, Daşkəsən və ətraf rayonlarda fəaliyyət göstərən sahibkarlara biznes kreditləri təklif edir.
Filialda kiçik və orta biznes (KOB) kreditləri əldə etmək istəyən sahibkarların əlverişli şərtlər və sadə prosedurlar əsasında maliyyələşdirilməsi həyata keçirilir.
Belə bir xidmət yaxın günlərdə Bankın Şirvan filialında da sahibkar müştərilərə təklif ediləcəkdir. Bu xidmət vasitəsilə Şirvan, Salyan, Haçıqabul, Sabirabad və digər yaxın bölgələrdəki kiçik və orta biznes subyektləri rahat şəkildə kredit əldə edə biləcəklər.
Qeyd edək ki, sahibkarlara təklif olunan kreditlərin məbləği 5 000 manatdan 200 000 manatadəkdir. İllik faiz dərəcəsi 13%-dən başlayan bu kreditlər 1 aydan 42 ay müddətinədək rəsmiləşdirilir.
Azər Türk Bankın saytı vasitəsilə krediti online sifariş vermək olar.
Bankın məhsul və xidmətləri barədə ətraflı məlumatı https://atb.az saytından, bankın sosial şəbəkələrdəki rəsmi korporativ səhifələrindən, WhatsApp (055) 3000 945, yaxud 945 nömrəli Çağrı Mərkəzindən əldə edə bilərsiniz.
